Бурхад ч хараад дурлам Монголын минь сайхан бүсгүйчүүд Та бүхэндээ Мартын 8-ны мэнд хүргэе!
Энэ л өдөр унших шүлгүүдээс... Дарс ч дэргэд нь ус шиг санагдах *** Нууцхан шөнийн эзэн минь Хурц шаргал нар толгой дээрээс цохиж
Ургах улаан нарнаасаа цог хийморийн илчийг авч, Уудам хөх тэнгэрээсээ уужрал ухаарлын ухаанаа сэлбэж, Учран золгох хүн бүртээ сэтгэлийн сайхан үгийг бэлэглэж, Ургаж байгаа шинэ жилдээ сайхан шинэлээрэй. Шижир цацрагт нараа дэлхий тойрч нас нэмсний дан баяр Шидрүүн мөнгөн өвлийг өнтэй давсны давхар баяр Шинэхэн цэцэглэх хавартай энх золгосны гурвалсан баяр Шинийн нэгэн гэмээн эгнэн давхацсан дөрвөн баяраа сайхан тэмдэглээрэй, найзууд аа.
Юуны түрүүнд, бүх найзууддаа шинээр айлчлан ирсэн 2014 оны мэнд хүргэж, блогийн чаатад Баяраа даргын ерөөсөнчлөн, энэ онд бүгдээрээ хамгийн сайхан бүхэнтэй учрах болтугай хэмээн хүсье! Шинэ он бидэнд улам их амжилт, аз жаргалыг хайрлах болно гэдэгт итгэлтэй байна!
Мөдхөн, энэ сарын 28-нд манай хамгийн цоглог, гандан бууршгүй Хишгээгийн маань төрсөн өдөр болно. Луутангуудын "та" насны эхлэлийг тавьж байгаагаараа энэ төрсөн өдөр онцлогтой гэж байгаа /хэдийгээр Яак өөрөө "та" нас гэж хэлэх жигтэйхэн дургүй ч гэсэн хэхэ/. Тэгээд л араас нь цуваад бүгд "та" хүрнэ дээ, дуртай дургүй байсан ч...
Цаг хугацаа гэж харвасан сум мэт өнгөрөх юм даа. Саяхан л хорь гаруйхан настай залуус зун, намрын ажил дээр шуугилдан, кокорчиндож, гитардан дуулж байсан мэт санагдана. Гэтэл одоо бараг ихэнх нь эмээ, өвөө болцгоочихсон байх жишээний...
Гэвч, Яакийн уриалдагчлан,ёстой гандан буурахгүй шүү бүгдээрээ,нас бол юу юм бэ, зүгээр л тоо ш дээ... нтр гэээл, хэхэ. Шинэ ондоо бүр илүүтэй цоглог байцгаана шүү, найзууд аа! Удахгүй уулзацгаая...
"Оройхон гараад, ширүүхэн дайрна" гэдэгчлэн ойрын үед бид хэд байсхийгээд л уулздаг болж байна. Nice... Саяхан бид хэд Энкушийн төрсөн өдрөөр авахуулсан зураг, бичлэгээ үзэхээр тэднийд зочлон очиж, нэг оройг хөгжилдөн өнгөрөөлөө. Их сайхан байсан шүү! Төрсөн өдрөөр хийлгэсэн бичлэгээ үзэнгээ, бас жижиг Хишгээгээр давхар бичлэг хийлгээд байгаамаа, хэхэ... Ер нь, бичлэг хийлгэчихээд дараа нь үзэж байхад их funny юм аа, тэр үедээ анзаараагүй зүйлсээ олж хараад л.
VIDEO
[Chorus (2x):]
Өчигдөр буюу 12 сарын 19-нд Энкуш найзынхаа төрсөн өдрийг "Говь гурван сайхан" цогцолборын караоке өрөөнд тэмдэглэцгээв. Оюука, Хишгээ, Төөгий, Гэрлээ, Тунгуш, Энкуш бид хэд ярьж хөөрөн, дуулж бүжиглэн, нэг оройг хөгжилдөн өнгөрүүллээ. Энэ оройн зарим зураг, бичлэгээ доор тавих тул олон зүйл нуршилгүй ингэсгээд өндөрлөе. "1000 сонсохоор 1 харсан нь дээр" гэдэг...
Ичко, Хишгээ бид 3 Цаян ах, Хандаа эгч хоёртой уулзаж, баахан ярьж хөөрөн, дуулж хуурдсан дурсамжит нэгэн өдрийн зургаа сонирхуулахаар тавилаа. Цоомоогийн маань аав, ээж хоёр ануухнаараа сайхан байна. Оюутан байхад, Сансарт Цоомоогийн эмээгийнд их очдог байж билээ. Эмээ их хөөрхөн, биднийг ороод суунгуут л ширээн дээр баахан цай, идэх юм авчраад тавьчихна. Тэр үед оюутны дотуур байранд амьдардаг байсан мань мэт их очиж, эмээгийн хоол цайг "бууддаг" байж билээ. Эмээ Цоомкогоор бараг төмс ч арилгуулахгүй, гар нь муухай болчихно гээд. Ер нь л эмээ маань бид хэдийн "Өндөр ээж" байж дээ, тэр үед... Дараа нь, Цоомкогийнх 10-р хороололд байхад бас мөн ч их очсон доо. Цоомко маань их нийтэч, тусархуу сайхан зантай болохоор бид хэдийг дагуулаад, гэртээ их аваачдаг байсан юм. Одоо ч тэр зан нь хэвээрээ, даанч ажил, амьдралын зав зайгаас шалтгаалаад тэр бүр хүссэнээрээ уулзаж чадахгүй л байцгаана.
Интернет, олон нийтийн сүлжээ хэмээх буянтай сайхан зүйлийн ачаар саяхан, хэд хоногийн өмнө а-гийн Ганаатайгаа /Ганцэцэг/ тааралдсан билээ.
Тэртээх 30-аад жилийн өмнө ОБДС-ийн Бэлтгэл факультетэд а,б гэсэн хоёр анги байхаас авахуулан, дараа нь "Шавар"-т /Свердловскт/ стажёроор хамт суралцан, найзалж нөхөрлөн, зовлон жаргалаа хуваалцаж явсан Ганаа маань Говь-Алтайн Баян-Уул суманд Соёлын төвийн захирлаар ажиллаж байгаа бөгөөд нөхөр, хоёр хүүхдийн хамт амьдарч байгаа гэнэ. Том хүү нь 26 настай, бага нь дөнгөж 1 ой 7 сартай /төрөөд ганц хонож байхад нь үрчилж авсан/ гэсэн.
Ганаа маань өнөөдөр бидний оюутан ахуйн нэг ховор зургийг өглөө.
