ЧАМД...

Чи миний зүүдэнд ирдэг
Чимээгүй мөртлөө уярмаар эгшиг гэдгийг би мэдэрдэг
Би чиний зүрхэнд байдаг
Битүүхэн мөртлөө илхэн орших хайр байхыг би хүсдэг
Чиний дүрийг мөрөөдөж сэрчихээд
Чинээ мэдэн дотроо уйлдгийг чи мэдэхгүй лдээ.
Чамаас ирсэн байгаасай гэж тэр зүүд болгоныг
Чангаас чанга тэврээд, явуулмааргүй байдгийг чи мэдэхгүй лдээ.
Ганцаардлын эгшиг надаас, бас чамаас уянгална
Гар гараасаа хөтлөлцөөд тэр уянгыг мартахсан
Уйтгартай, дүнсгэр байдлаасаа залхсан ч, өөрчилж чадахгүйдээ
Ухаангүй байгаа зүрх минь шимшрэн шимшрэн харамсана...

ЦАГ ХУГАЦАА ГЭЖ...

Цаг хугацаа гэдэг юуг ч үл хүлээн, үл хүндэтгэн өөрийнхөө замаар явах ажгуу. Заримдаа харгис ч юм шиг. Уйлж дуулан гуйгаад ч эргэж харахгүй. Хашгирч загнаад ч сонсоогүй юм шиг. Уур хүрмээр. Гэхдээ заримдаа түүний энэ зан надад таалагдах. Урваж шарвахгүй, хэн нэгний ятгалганд орохгүй, хэн намайг юу гэж бодох бол гэж санаа зовохгүй...
Цаг хугацаа тийм байх тусмаа үнэ цэнэтэй ажээ. Түүний шударга занг мэдэх учраас хүн бүр хожих гэж мэрийнэ. Хоцрохгүй гэж хичээнэ. Чадахгүй бол түүнд гомдоллохгүй, өөртөө буруу өгч дараагийн удаа алдахгүй гэж амлах.
Цаг хугацаа цэл залуугаараа. Тэр над шиг нас явж байна даа гэж халаглахгүй. Нүүрэнд нь үрчлээ нэмэгдэж, хөдөлгөөнийх нь хурд удаашрахгүй. Халуунд хөлсөө гоожуулж, хүйтэнд хөлөө тэврэн суухгүй. Тэр хаа нэгтээ бас хоргодож үлдэхгүй.
Цаг хугацаа яг л ганц бие гоонь эр шиг. Эсвэл ганихарсан бүсгүй шиг. Тэр самсаа шархируулан хайлуулах хайр энэрэлийг мэдрэхгүй. Тэр үргэлжлэл үгүй, бас төгсгөл үгүй. Цаг хугацаа чамайг би чухам ийм л болохоор чинь хайрлаж, бас өрөвддөг.
Цаг хугацаа – Хэрэв чи хүн байсан бол би чамд дурлах байлаа... гэж нэгэн бүсгүй Arolob бичжээ.

ЭМЭЭ БОЛСОНД НЬ БАЯР ХҮРГЭЕ САЙХНААДАА!

Найзын маань хайртай охин Дээгий 4кг гаруй жинтэй, 55 см өндөр аварга том эр төрүүлэн Сайхнаа маань эмээ болжээ. Үнэхээр сайхан баярт мэдээ! Найзынхаа ямар их хөөрч догдлон, хөл нь газар хүрэхгүй гүйж явааг сайн төсөөлж байнаа. Ингээд андууд нь чинийхээ баяр хөөрийг хамт хуваалцахаар алсаас хундагаа тулгацгаалаа шүү, ариухан хүслээ шивнээд ахиухан тогтоочоорой хайрт найз минь! 5Б НАЙЗУУД НЬ.
Миний сайхан эмээ
Таныгаа санахаар нутгаа санаж
Нутгаа санахаар таныгаа санах юм
Бага балчир нас минь таны дэргэд өсч
Бурхан, Хайрхан, Төхөм гуравыг таньтай хамт дээдэлж
Уужим сайхан сэтгэлийг тань санаа оюундаа шингээж
Ухаант буурал таныгаа бурхан мэт санаж явна.
Өөрийн минь амьдралын салшгүй нэгэн хэсэг
Өөдөсхөн жаахан насаа тантай хамт дурсая
Өргөсөн дээжийн тань цацал бүрийн тоолонгоор
Өгөөмөр эмээ тандаа сөгдөж мөргөе
Хийсэн зулын тань гэрэл бүрийн илчээр
Хайртай эмээ таныгаа хүндэтгэн биширье
Өчүүхэн надад зориулсан өгөөмөр их хайрыг тань
Үр хойчдоо ч гэсэн өвлүүлж би чинь үлдээе...

ТУНГУШДАА ТӨРСӨН ӨДРИЙН МЭНД!

Энэ хорвоод хүн болон мэндэлж
Ээжийгээ баясган, аавыгаа догдлуулан
Айл гэрт аз жаргал нэмэн
Монгол Улсад бүл нэмэн
Хүмүүн заяанд од нэмэн ирсэн
ГАЙХАМШИГТ ӨДРИЙН МЭНДИЙГ ХҮРГЭЕ!
Өчигдрийн алдааг давталгүй
Өнгөрснийг харж харамсалгүй
Өнөөдрийн төлөө
Өөрийгөө ялж амьдраарай...
ХАЙРТАЙ ШҮҮ! MIGAA & ENKHUSH болон 5Б НАЙЗУУД НЬ. 2012. 01. 12

БЯЦХАН АВЬЯАСТНУУД

Сүүлийн жилүүдэд зарим улс орнууд өөрсдийн авьяаслаг хүмүүсээ тодруулах зорилгоор төрөл бүрийн шоу зохион байгуулж байгаа билээ. Энэ үеэр үнэхээр санаанд оромгүй гоц авьяастнууд гарч ирэн дэлхийг шуугиулах явдал цөөнгүй гарч байна. Ингээд зарим бяцхан оролцогчдын үзүүлбэрээс сонирхуулахаар тавилаа.
1. "Авьяаслаг Америкчууд"-ын хамгийн бяцхан дуучин

2. Оросын Днепропетровскийн 6 настай сэргэлэн, хөгжилтэй охин

3. Солонгосын өнчин, тэнэмэл хүү дуурийн дуучных гэмээр хоолойгоороо үзэгчдийг алмайруулав

4. Энэ бяцхан охин их том дуучны дууг дажгүй дуулж байна

Сонгодог хөгжмөөр стрессээ тайлцгаая...

MP-ндээ сонгодог хөгжимнөөс багцаар нь суулгаад, хаа явсан газраа сонсож байгаарай. Сонсохдоо дотор нь ор, уус, урлагийг мэдэр. Өнөөдрийн түгээмэл хөгжмөөс ямар их ялгаатай болохыг нь та нар ойлгоно. Вивалди, Шопен, Брамс, Чайковский, Франц Лист нарын урын сангаас санал болгож байна. Ялангуяа Вивалдигийн 4 улирлыг сонсоод автобус, таксинд явж байхад дотор нь байгаа бүх хүмүүс яагаад ч юм нэг л намбалаг, хүндэлмээр санагдаж, түгжрэлд яваа машинууд хүртэл хөгжмийнх нь аяар хөдлөх шиг санагдана. Өөрийгөө үнэт хүн гэдгээ мэдрэх нэг арга бол сонгодог урлаг яахын аргагүй мөн билээ.
Энд дэлхийн хамгийн гайхамшигт аялгуунуудын цуглуулгаас бүрдсэн бичлэгийг тавилаа. Нүдээ аниад кайфтайгаар сонсонгоо стрессээ тайлаарай, найзууд минь...

АМЬД ҮГ ХРИСТИЙН СҮМ :: Тэргүүн пасторын мэндчилгээ

АМЬД ҮГ ХРИСТИЙН СҮМ :: Тэргүүн пасторын мэндчилгээ

Чамгүй 7 өдөр. 6 шөнө...

/Хэлэх гэсэн санаа нь дажгүй санагдахаар нь энэхүү бичлэгийг сонирхуулахаар тавилаа./
Чи ахиад л явлаа. Чимээгүйхэн инээмсэглэж, уруул дээр зөөлөн үнсчихээд чи минь ахиад л явчихлаа. Би үлдсэн. Үлдэхдээ чиний эзгүй чилийсэн урт долоон өдөр, зургаан шөнөтэй хүссэн хүсээгүй эвлэрч, хөтлөлцөн зогссоор хоцорлоо...
Чи явж, би үлдсэн тэр амралтын өдрүүд там шиг л өнгөрөв. Буйдан дээр хэвтэж зурагт үзсэн. Бүх киноны гол дүр чи болж харагдаад, би солиорч байх шиг санагдсан. Хоол хийж идсэн. Хамт суугаад инээмсэглэн иддэг чи үгүй болохоор хоолой давсангүй. Нойроо эртхэн дуудахаар уулзах дуртай улаан виног нь аягаллаа, хамгаас амттай “хачир” нь эзгүй болохоор хуурай wine ус шиг орж, мөс шиг жиндүүлэв. Дэргэд минь 5 өдөр, 4 шөнө надад хань болон чамайг хүлээнэ.
Чи явж, би үлдсэн ажлын өдрүүд нэгэн хэвийн. Өглөө хий тэвэрч сэрнэ. Урамгүйхэн босож, халуухан хөнжлөөс улавч руу шилжинэ. Угаалгын өрөө- хувцасны шүүгээ- босоо толины хооронд эргэлдээд хаалганы түлхүүр торхийн дуугарахад санаа алдах зүрхэн хэмнэл цахилгаан шатанд үргэлжилнэ. Гарын хуруу гар утасны товчлуур дээгүүр өдөржин бүжиж, уруул болон чих чамтай намайг учруулах гэж хэрдээ л зүтгэсэн ажлын өдрүүд нэг хэвийн өнгөрлөө.
Чи явж, би үлдсэн долоон өдрөөс зургаан шөнө нь урт байлаа. Чиний эзгүйд орчлон надаар тохуурхаж, бага тоо нь ихээсээ хүчтэй болох нь хачирхалтай.
Цаг хугацаа авилга авдаггүй болохоор одоо надад ганцхан л зам үлдсэн. ХҮЛЭЭХ.
Чи явж, би үлдсэн 7 өдөр, 6 шөнийн дараа... хайр буцална.
Нийтэлсэн: arolob