Энкушийндээ зочиллоо

"Оройхон гараад, ширүүхэн дайрна" гэдэгчлэн ойрын үед бид хэд байсхийгээд л уулздаг болж байна. Nice... Саяхан бид хэд Энкушийн төрсөн өдрөөр авахуулсан зураг, бичлэгээ үзэхээр тэднийд зочлон очиж, нэг оройг хөгжилдөн өнгөрөөлөө. Их сайхан байсан шүү! Төрсөн өдрөөр хийлгэсэн бичлэгээ үзэнгээ, бас жижиг Хишгээгээр давхар бичлэг хийлгээд байгаамаа, хэхэ...
Ер нь, бичлэг хийлгэчихээд дараа  нь үзэж байхад их funny юм аа, тэр үедээ анзаараагүй зүйлсээ олж хараад л.

"Last Christmas"

[Chorus (2x):]
Last Christmas
I gave you my heart
But the very next day you gave it away.
This year
To save me from tears
I'll give it to someone special.

Энкушийн төрсөн өдөр боллоо

Өчигдөр буюу 12 сарын 19-нд Энкуш найзынхаа төрсөн өдрийг "Говь гурван сайхан" цогцолборын караоке өрөөнд тэмдэглэцгээв. Оюука, Хишгээ, Төөгий, Гэрлээ, Тунгуш, Энкуш бид хэд ярьж хөөрөн, дуулж бүжиглэн, нэг оройг хөгжилдөн өнгөрүүллээ. Энэ оройн зарим зураг, бичлэгээ доор тавих тул олон зүйл нуршилгүй ингэсгээд өндөрлөе. "1000 сонсохоор 1 харсан нь дээр" гэдэг...

Цоомкогийнхоо аав, ээжтэй уулзсан нь

Ичко, Хишгээ бид 3 Цаян ах, Хандаа эгч хоёртой уулзаж, баахан ярьж хөөрөн, дуулж хуурдсан дурсамжит нэгэн өдрийн зургаа сонирхуулахаар тавилаа. Цоомоогийн маань аав, ээж хоёр ануухнаараа сайхан байна. Оюутан байхад, Сансарт Цоомоогийн эмээгийнд их очдог байж билээ. Эмээ их хөөрхөн, биднийг ороод суунгуут л ширээн дээр баахан цай, идэх юм авчраад тавьчихна. Тэр үед оюутны дотуур байранд амьдардаг байсан мань мэт их очиж, эмээгийн хоол цайг "бууддаг" байж билээ. Эмээ Цоомкогоор бараг төмс ч арилгуулахгүй, гар нь муухай болчихно гээд. Ер нь л эмээ маань бид хэдийн "Өндөр ээж" байж дээ, тэр үед...
Дараа нь, Цоомкогийнх 10-р хороололд байхад бас мөн ч их очсон доо. Цоомко маань их нийтэч, тусархуу сайхан зантай болохоор бид хэдийг дагуулаад, гэртээ их аваачдаг байсан юм. Одоо ч тэр зан нь хэвээрээ, даанч ажил, амьдралын зав зайгаас шалтгаалаад тэр бүр хүссэнээрээ уулзаж чадахгүй л байцгаана. 

Ганаа маань гоё зураг өглөө

Интернет, олон нийтийн сүлжээ хэмээх буянтай сайхан зүйлийн ачаар саяхан, хэд хоногийн өмнө а-гийн Ганаатайгаа /Ганцэцэг/ тааралдсан билээ.

Тэртээх 30-аад жилийн өмнө ОБДС-ийн Бэлтгэл факультетэд а,б гэсэн хоёр анги байхаас авахуулан, дараа нь "Шавар"-т /Свердловскт/ стажёроор хамт суралцан, найзалж нөхөрлөн, зовлон жаргалаа хуваалцаж явсан Ганаа маань Говь-Алтайн Баян-Уул суманд Соёлын төвийн захирлаар ажиллаж байгаа бөгөөд нөхөр, хоёр хүүхдийн хамт амьдарч байгаа гэнэ. Том хүү нь 26 настай, бага нь дөнгөж 1 ой 7 сартай /төрөөд ганц хонож байхад нь үрчилж авсан/ гэсэн.
Ганаа маань  өнөөдөр бидний оюутан ахуйн нэг ховор зургийг өглөө.

Блогтоо эргэн ирлээ

Өнгөрөгч Валентины өдрөөс хойш блогтоо салхи оруулалгүй бараг жил болох нь дөхөж. Одооноос ажлын зав зайгаараа мэдээлэл оруулж байя гэж шийдлээ. Удаан хугацаанд ажиллагаагүй байсаар ордог найзууд маань ч бараг байхгүй болсон байх, ямартай ч мэдээлэл оруулж л байя, тэгж байгаад аажмаар ордог болцгоох биз ээ. 
Өчигдөр орой Төөгий, Хишгээ /Яак гэх гэснээ арай соёлтой нэрлэхийг бодлоо, хэхэ/ бид 3 UB Palace-д Хурдын 20 жилийн ойн тоглолтыг үзэж, бараг 3 цаг хэртэй баахан дагаж дуулж, бүжиглэх шахав.